لميس الحديدي عن إلغاء حفل ترافيس سكوت: بيان النقابة لا يليق بمصر ولا السياحة وأعتمد على كلام السوشيال ميديا

علقت الإعلامية لميس الحديدي، على البيان الذي أصدرته نقابة المهن الموسيقية، بإلغاء حفل مغني الراب الأمريكي ترافيس سكوت، قائلة: بيان النقابة غريب جدًا، ولا يليق بمصر ولا السياحة، وكنقابة أعتمد على كلام السوشيال ميديا وأطلع بيان وأقول آراء متناثرة عبر السوشيال ميديا

وقالت خلال برنامجها «كلمة أخيرة»، ونطلع بيان لا يليق بمصر، ولا حتي السياحة المصرية، ولا أننا بنقول للعالم أبوابنا مفتوحه وبعدين نقول لا إقفلها وقت مايحبوا يجيوا

أضافت: واضح أنه داخل البيت من بابه، وأخذ تصريحات من الجهات الأمنية ووزارة السياحة قبل دخوله، مينفعش بعد كل ده تطلع النقابة بيان بالشكل ده، كنتوا قولوا من البداية مش عايزينه لكن نحدد وبعدين مش عايزينه

تابعت: معرفش المطرب ترافيس سكوت ولست من محبيه ولا كارهيه، ولا أستمع لهذا النوع من الغناء نهائيا، ولكن يطلع بيان زي ده يعتبر إيذاء لسمعة البلد وسمعة السياحة المصرية.