شذى تهاجم عمرو مصطفى : المطرب عمره ما كان مجرد أداة.. وكفاية نقلل من قيمة بعض

شنت المطربة شذي غريب ، حملة من الهجوم علي الملحن عمرو مصطفى، وذلك بعد تصريحاته الأخيرة والذي أكد فيها أنه هو المبدع و الفنان مجرد أداة.
وقالت المطربة شذى، عبر صفحتها الرسمية على موقع التواصل الاجتماعي فيس بوك : طبعا الكل عارف قد إيه أنا وعمرو أصحاب وإخوات، بس المرة دي عمرو خانه التعبير زي لما بتخونه تعبيراته كتير!.
وتابعت شذى: المطرب عمره مكان مجرد أداة ومينفعش يتقال كلام زي ده من فنان بحجم وقيمة عمرو مصطفى، لأن المطرب قادر بأدائه وأسلوبه يوصلك الفكرة والإحساس للناس كملحن أو يهبدهالك في الأرض بدليل فيه أغاني عبقرية لما غناها ناس أي كلام اتهبدت بيهم، فبلاش الكلام ده في التوقيت ده.
واضافت المطربة شذي: المطرب عمره ما كان مجرد أداة وكفاية نقلل من قيمة بعض، كل واحد ليه دور ودور مهم.. دي منظومة كاملة الأغنية مؤلف وملحن وموزع ومهندس صوت ومطرب.. كل واحد إيه حجمه وقيمته.. مش بظرميط وشكرا.