بسمة وهبة : أوعى واحد يتكسف يقول للجزار اديني ربع كيلو لحمة خليك على قدك وواثق من نفسك

حرصت الإعلامية بسمة وهبة علي توجيه رسالة إلي شعبة القصاصين، قائلة: «اعلموا ربع كيلو علشان الناس كلها تأكل لحمة، واللي يشتري لا يتعرض للحرج، وأوعى واحد يتكسف يقول للجزار اديني ربع كيلو، أوعى تتكسف خليك على قدك وواثق من نفسك»،

كما أعربت بسمة وهبة عن غضبها واستيائها من جشع التجار، قائلة :«منهم لله كل تاجر جشع، وكل اللى لعب في سعر اللحمة، واللى سرقوا فرحة الناس الغلابة، في ناس مبتعرفش طعم اللحمة، غير من العيد للعيد».

وتابعت بسمة وهبة خلال تقديم برنامج «90 دقيقة» على قناة «المحور»، : هناك ركود في الأسواق بسبب ارتفاع الأسعار، وصل فيه سعر كيلو اللحمة لـ 330جنيها، وسعر العجل وصل لـ 90 ألف جنيه بسبب جشع التجار ارحموا الغلابة يرحمكم ربنا».

واضافت بسمة وهبة: «يا مفتريين ارحموا الناس الغلابة، الناس في العيد عايزة تأكل لحمة، ومتقعدش تقولي العلف والدولار، أنت اللي بتغلي الأسعار، وتحط ملح في العلف علشان العجل يشرب مياه كثير وتضحك على الزبون يا غشاشين يا كدابين، كل واحد فيكم عايز يكسب، والغلابة تدفع الثمن».