برلنتي عامر: متطلقناش رسمي وأنا كتبت على فيس بوك انفصال ولكن هو مأعلنش ومش راضي يطلقني

قالت برلنتي عامر زوجة الفنان سعد الصغير عن حقيقة انفصال برلنتي عامر وسعد الصغير: متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني وعرفت حاجات صعبة بعد ما أعلنت انفصالنا.

وتابعت: اكتشفت خيانة سعد، لأننا منزلين أبلكيشن عند بعض وبنشوف.. كل يوم بشوف بيروح فين، ولقيته في مكان في حدائق الأهرام

واكلمت: وعرفت أنه بيقابل واحدة معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه.

وأضافت: إزاي يعمل كدا وهو من 3 سنين كان بيشتم عليها وعملها بلوك، والناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة.

واستكملت: ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه.

وقالت: سعد اللي اتشهر بسببي واشتغل كتير بعد ما أتجوزني، ولكن أما اتجوزنا قالي رجعتي سعد الصغير لمجده تاني.

واستكملت: طول ما هو معايا بيخوني، وبقاله 5 سنين بيخوني واكتشفت ده لسه من شهر 2، كان عنده فرح في إسكندرية، وبنتي قالتلي بابي سايب الموبايل فتحته لاقيت بلاوي، وبيكلم ستات كتير جدًا وقولتله فين الوقت لده كله، وبيتصل بكل اللي بيكلمهم وبيقولهم برلنتي هتكلمكم دلوقتي تقولولها مافيش بينا وبين سعد حاجة إحنا صحاب وأخوات.

واختتمت قائلة: سعد بيخاف مني لأ.. شوية بيحترمني ممكن، وهو غلط لما طلع يبوس رجلي في لايف والناس قالت سكران، وساعات بيمثل أنه واخد حاجة عشان الناس تصدق، مطلبتش يبوس رجلي ولا يعتذر قدام الناس بيطلع يعمل كدا عشان يبين قد إيه بيحبني.