برلنتي عامر: الناس مش طمعانة في سعد الصغير عشانه هو لا عشان برلنتي أنا.. سعد اتشهر بسببي واشتغل كتير بعد ما أتجوزني

كشفت برلنتي عامر، زوجة الفنان سعد الصغير، حقيقة انفصالها عن المطرب الشعبي، قائلة: متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني.

وقالت خلال لقائها مع برنامج «قعدة ستات»، الذي تقدمه الإعلامية مروة صبري على شاشة «القاهرة اليوم»: «اكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام.

وتابعت: عرفت أنه بيقابل واحدة معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك.

وأضافت: هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه.

وأكدت: الناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، سعد الصغير اللي اتشهر بسببي واشتغل كتير بعد ما أتجوزني، ولكن اما اتجوزنا قالي رجعتي سعد الصغير لمجده تاني

كما أكدت برلنتي عامر أنها لم تنفصل عن زوجها سعد الصغير، قالت: وعرفت حاجات صعبة بعد ما أعلنت انفصالنا.