الرئيس السيسي: احنا بنقسى على نفسنا شوية لكن محرمناش الناس

قام السيد الرئيس عبد الفتاح السيسي، رئيس الجمهورية، اليوم الخميس، بإفتتاح محطة تحيا مصر متعددة الأغراض بميناء الإسكندرية، وأعمال التطوير في الميناء.

وقال الرئيس عبدالفتاح السيسي، في كلمته منذ قليل: بقول للمصريين، فاكر كنت بقول دايما إن إفريقيا البنية الرئيسية اللي فيها محتاجة لآلاف المليارت من الدولارات لتكون دول والناس اللي فيها يعيشوا بصحيح، وحتى تبطل اقتتال، وعشان يبقى في أمل لازم تبني.. بشرح الشرح ده ليا وللمسؤولين وللناس المهتمه في مصر وخارج مصر”.

وتابع الرئيس السيسي: “عشان تعرف ليه الدول مش مستقرة، الناس عايشة تعيش، طب إزاي؟! الناس تقولك عايزين ندي للناس فرصة للحريات أكتر تتكلم.. صح.. بس خلي بالك الناس مش هتفضل تتكلم وتتفرج عليك هيسيبك ويطلع على البحر يهاجر”.

وأكمل الرئيس السيسي: بقول للناس في مصر كل طوبة بتتعمل في البلد دي أنا معاها وشايفها، العمارة اللي طلعت دي قولت يتقبض عليه وما يخرجش غير لما يسيب الأرض.. معناه الرئيس قاعد واخد باله إن الفساد اللي اتعمل لا يمكن يسيبه، لو ماعملتش كده يقدر المحافظ يعمل كدا؟ لا خايف ولا وزير النقل خايف.. اللي عايز يبني بلده مش هيخاف أبدا هيخاف من ربنا بس سبحانه وتعالى.

واضاف الرئيس السيسي: مستقبل البلد دي لو ماكنش فيه بنية أساسية تليق بدولة إنتوا مش بتعملوا مستقبل خالص.. بتقول الأكل والشرب؟! هو إحنا حرمنا الناس عشان نعمل ده لا طبعا، إحنا بنقسى على نفسنا شوية.