يوسف الحسيني: الاقتصاد اللي بيتبني دلوقتي مصر تقدر تعيش عليه 100 سنة لأن هيكلة الاقتصاد تتم بنظرة بعيدة المدى

قال الإعلامي يوسف الحسيني، إن عبدالناصر كان رئيس وزعيم عظيم، لكن حجم المنجز الاقتصادي، وبناء الاقتصاد المصري اللي بيتعمل دلوقتي تقدر مصر تعيش عليه 100 سنة، لأن هيكلة الاقتصاد تتم بنظرة بعيدة المدى

وأضاف خلال تقديم برنامج «التاسعة» على القناة «الأولى» مساء السبت: «هيعدي وقت لن نكون على قيد للحياة، هيتم تقييم التجربة التي بدأت في 2014، وهيفيد التقييم بأن هذه أهم هيكلة وبناء لأسس الاقتصاد المصري حصل في تاريخ مصر الحديثة».

وتابع أن الدولة المصرية كان لديها ما يفيد بوجود مخزون كبير من الغاز الطبيعي في منطقة شرق المتوسط، لكن لم يتم استكشافه، وهو ما يضع علامة استفهام وعلامات تعجب، مردفا: «بدأنا ننقب واشتغلنا، لسد الاحتياجات المحلية وتحقيق فوائض للتصدير».

وتساءل: «لولا عوائد التصدير التي تقدر تقريبًا في نهاية 2022 بقيمة 9 مليار دولار، كنا عملنا إيه؟ لو مكنوش موجودين كنا عملنا ايه؟ من غير فلوس الغاز كنا عملنا ايه؟».