رضوى الشربيني: لو الراجل عايز لبن العصفور اشتريهوله وحسسيه إنك مش هتقدرى تعيشى من غيره

أوضحت الإعلامية رضوى الشربيني عن أسباب فشل العلاقات العاطفية، وذلك خلال برنامجها”هي وبس”، المذاع على قناة CBC سفرة.

وقالت الإعلامية رضوى الشربيني :«لو الراجل عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع في غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى».

وتابعت رضوي الشربيني :«خليه يحس قد ايه انتى متمسكة بيه وان ولائك ليه يقوم يحبك ويقع في غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض».

واضافت :«ازاى اصلا اشوف وافكر ازاى الراجل اللى في حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة في ملايين من الرجالة على كوكب الأرض غيرك يحبونى وهعرف احبهم».