دينا: حاولت أخلي كل اللي حواليا يحترموني ويغيروا وجهة نظرهم في أن الراقصة منحلة وملهاش كبير وعديمة الاخلاق 

قالت الفنانة دينا في لقاءها مع الإعلامية لميس الحديدي في برنامج كلمة أخيرة على قناة on e: «حاولت دفعهم ليغيروا وجهة نظرهم في فكرة الراقصة، ففكرة الراقصة أنها منحلة وملهاش كبير وعديمة الاخلاق ودائمًا سبابة وتخطف الرجالة، وتعرف الناس عشان فلوسها، دي وجهة نظر بني آدم مش وجهة نظر أو تركيبة رقاصة».

وأضافت: «حاولت أخلي كل اللي حواليا يحترموني على قد ما قدرت، وكنت بتصرف بطريقة تليق ببني آدم محترم».

وتابعت: «من زمان أوي وأنا قاعدة داخل البالونة الخاصة بي، وواضعة فيها الناس اللي عايزة أشوفهم، والناس اللي بتتكلم عن الرقص بشكل سلبي بعتبرهم خارج البالونة وبمنع عني الصوت ده».

واستطردت: «قدامي طول العمر أغلى ناس، عمري ما فكرت ارتبط بحد أنا محبتوش، أنا مبختارش شخص عشان مواصفاته، ممكن يكون أقل راجل لكن فيه المواصفات اللي أنا عايزاها».