عميل يشكو من كارفور.. احترس وعد صوابعك الف مرة ورا عروض كارفور

تداول رواد مواقع التواصل الإجتماعي شكوى أحد عملاء كارفور وذلك بسبب العروض الوهمية على بعض السلع.

حيث كتب أن الأسعار الموجودة في العروض تختلف عن الفاتورة والمبلغ المدفوع بالفعل قائلاً: “حركة متعارفة دلوقتي من كارفور، التضليل في العروض”.

وتابع: “بانر العرض ١١٩.٩٥، والمنتج اللي تحت البانر زيت كريستال، فحضرتك هتروح فرحان وتشيل على إنها صفقة وأنك خدت الزيت ابو ١٩٠ جنيه ب ١٢٠”.

وواصل أن عند مراجعة الفاتورة تجد الخدعة في الأسعار قائلاً: “لكن لو راجعت الفاتورة هتلاقي إنك انضحك عليك وان مفيش خصم، ترجع تراجع تلاقي البانر مكتوب عليه حاجة تانية خالص غير اللي المنتج اللي محطوط عليه”.

وأستطرد محذراً لتوخي الحذر من العروض الوهمية في كارفور: “احترس وعد صوابعك ألف مرة ورا عروض كارفور وراجع الفاتورة وقارن بين الاسعار في الفاتورة وفي العرض قبل ما تمشي عشان متنخدعش زيي”

وواصل: “ويفضل متروحش هناك خالص واشتري من مكان ليه مصداقية ومبيتعملش وسائل عرض خادعة زي كارفور”