“اللي بيكشفوا الممرضات مش الدكاترة”.. مواطن يفتح النار على مستشفى دار اليسر

تقدم مواطن بشكوي ضد مستشفى دار اليسر في ميدان أحمد عرابي، وذلك عبر موقع التواصل الاجتماعي فيس بوك.

وقال عبر تطبيق الفيس بوك: “أنا عايز أحذر الناس كلها من عيادات دار اليسر في ميدان احمد عرابي, مراتي تعبت جدا علشان لسه خارجه من عملية ولادة قيصري من ٣ ايام تعبت جدا بعد العملية، روحت بيها على طوارئ دار اليسر، الدكتور حتى مبصش عليها سمع المشكلة و حولها طوارئ عيادات نساء، أكتر من ساعة و مفيش اي حد سأل فينا، و كل ما اسأل التمريض يقولوا بنكلم الدكتور و مش بيرد علينا”.

صور| سيدة تحذر من كنتاكي: الفراخ عضمها أزرق وفيها بواقي دم .. وجوزي جاله نزلة معوية بسببها 

وتابع :” لما خلاص جبت اخري طلعت للريسبشن علشان الغي الكشف و اخد فلوسي و أشوف مستشفى تانيه قالولي الخلاص الدكتورة دخلت العيادة، نزلت لقيت دكتورة بتكشف و بتعمل مكالمات علشان تعرف علاج التشخيص”.

وأكمل :” و كتبت روشته فيها دواء و قالت تاخد الجرعات دي و تشوف هتتحسن ولا لا.. أنا بصراحة شكيت في طريقة الدكتورة و سيبتها للاخر لاني اكيد مش هينفع اسألها حضرتك دكتورة ولا لا، شوفت كمان الuniform اللي لابساه نفس بتاع طقم التمريض”.

وأوضح : “سألت و أنا خارج على اسمها قالولي د/ ايمان.. وقلت اسأل فوق في الريسبشن مين دكتورة النساء النهار ده يقولوا اللي موجود دلوقتي دكتور و الدكتورة هتيجي بليل.. اومال مين اللي كان بيكشف و بيكتب روشتة !”.

إدارة فاشلة.. عميل يحذر من التعامل بفيزا مشتريات بنك مصر

وواصل :”عملوا تليفون بعد ما بدأت ازعق طلعت انها ممرضة مش دكتورة و بعتوها تكشف مكان الدكتور اللي مش فاضي علشان كنت عايز ارجع الكشف.. و علشان متخانقش معاهم و يهدوا الموضوع رجعولي فلوس الكشف و قالولي ان دي ممرضة بس شاطرة جدا و الكل بيشكر فيها هنا”.

وتابع :”مردتش اخد الفلوس و قولتلهم عايز مدير المستشفى قعدوا يشقطوني لبعض و في الاخر قالولي انه مش موجود النهار ده و تقدر تسأل عليه بليل”.

واضاف : “خلاصة الموضوع انا دافع كشف و داخل طوارئ بعيدًا عن التأخير انا من حقى و المفروض اللي يكشف دكتور مش ممرضة و مينفعش مهما يحصل ان ممرضة تكتب روشتة لمريض دي كارثة” .

واختتم حديثه: “طبعًا انا خرجت من عندهم و روحت مستشفى تانيه و عملوا اللازم و كل واحد شاف دوره مش القرف اللي حصل في دار اليسر.. و دي صورة الروشته اللي اتكتبت و اي حد يقدر يعمل search على العقار ده او يسأل اي صيدلية انه امن مع الرضاعة ولا لا”.