ياسمين عز: الراجل نعمة من ربنا زي الأكل والشرب.. ومتتكسفيش من نعومة صوتك مع جوزك

وجهت الإعلامية ياسمين عز، عدة نصائح للسيدات المتزوجات في إتيكيت التعامل مع الزوج، مشيرة إلى أن هناك آداب للتعامل مع الزوج .

وقالت الإعلامية ياسمين عز في برنامجها “كلام الناس” المذاع عبر قناة أم بي سي مصر: “فيه حاجة اسمها إتيكيت التعامل مع الزوج، لأن الراجل نعمة من ربنا زي الأكل والشرب وهو أحسن كمان، هذه النعمة ليها إتيكيت زي ما فيه آداب التعامل مع الطعام فيه آداب للتعامل مع الزوج”.

وزارة التضامن الاجتماعي تتبرع بـ75 مليون جنيه لمستشفى سرطان الأطفال 57357

وتابعت ياسمين عز: “لو بتتكملي مع صاحبتك أو مامتك وزوجك جه فورا تقفلي علشان الفرعون الكبير وصل… كدة تأسريه لأنه لازم يحس أن دخوله ليه هيبة ووضع، حتى لو هتروحي تقوليله نورت بيتك حمد لله على السلامة”.

واكملت الإعلامية ياسمين عز: ” زي ما كنا طلاب والمدرس يدخل الفصل كنا بنقفله، زوجك أحسن من المدرس، اللقطة واللفتة البسيطة دي هتأسريه بيها حتى لو هتطلي من باب المطبخ وترجعي لحلة المحشي، لكن لازم يبان له إن فيه إحساس، ولو مدياله ضهرك لفي وشك على طول وسيبي الحاجة اللي في إيدك”.

كما قالت ياسمين عز: أنا صوتي خامته شتوية ناعم ودافي وسهتان، أما الصوت الصيفي عالي ومبيفصلش وخامة الصوت الشتوي هي أحلى لأنه دافي وناعم”.

و تابعت ياسمين عز: “متتكسفيش من نعومة صوتك مع جوزك وانزلي بالطبقة على قد ما تقدري واتكلمي من مناخيرك”.

واضافت ياسمين عز: انا مبحبش خراب البيوت، وبستغرب من الستات اللي بتشجع ده وليه بقت الستات بتستسهل موضوع الطلاق وبيقولوا يروح واحد وييجي عشرة غيره”.