نجوي إبراهيم: الولد زمان كان يقول كلمة حلوة للبنت وتبقى مستحية كده لكن دلوقتي فيه انفتاح لفظي

حلت الإعلامية الكبير نجوي إبراهيم، ضيفة في برنامج “بيت العز”، المُذاع عبر راديو نجوم إف إم، وتحدثت عن الفرق بين الأجيال الماضية والحاضرة في الحب .

وقالت نجوى إبراهيم : أن زمان كانت الفتاة تبحث عن الرجُل ذو الشكل الجميل والجيب المتعمر، و كانت هذه المطالب الأساسية، أما في الوقت الحالي السيدات أصبحن يبحثن عن أشياء مختلفة ويَمِلنَّ إلى عمل الكثير من الإختبارات لشريك حياتهن على كل المستويات.

وتابعت الإعلامية الكبيرة نجوي إبراهيم: “الولد زمان كان يقول كلمة حلوة للبنت وتبقى مستحية كده، لكن دلوقتي بقى في انفتاح لفظي، بيتكلموا كلام بنحس إحنا بتوع زمان إنه شتيمة ومبنقدرش نقوله، وواخدين على بعض ممكن يهزر معاها فـ يروح خابطها في مثلا في كِتفها”.

واكملت نجوى إبراهيم:« زمان كانت البنت عشان تتجوز واحد بياخدوا فترة شهر مثلا لحد ما ياخدوا على بعض ويشيلوا الكُلفة ووشها يحمر.. لكن دلوقتي البنت عايزة الشاطر حسن، اللي يديها عنيه، اللي ينتحر علشانها، ويقولها ده أنا أموت نفسي لو سبتيني، لو نلاحظ في الحوادث نلاقي حاجة مبالغ فيها، إنه ينتحر أو هي تنتحر عشانه أو يقتلوا بعض، بقينا بنشوف في السنين الأخيرة دي حوادث قتل فعلا بسبب الحب».

واضافت الإعلامية نجوي إبراهيم: “أنا مع الراجل والست اللي لما يجوا يختاروا يختاروا حد يكون عنده أصل مِأصل يكون متربي، عنده أخلاق وايه هى الأخلاق ؟.. يعني يكون أمين على العُهدة “.