والدة الطفلة كاميليا تكشف عن تفاصيل الاعتداء علي ابنتها داخل حضانة الإسكندرية

سردت سارة مصطفى، والدة الطفلة كاميليا التي تبلغ من العمر عامين ونصف، تفاصيل واقعة الاعتداء على أبنتها علي يد مديرة حضانة بالاسكندرية.

وقالت سارة مصطفي في مداخلة هاتفية لبرنامج «يحدث في مصر»، والذي يعرض عبر قناة «إم بي سي مصر»، إن ابنتها التحقت بالحضانة منذ سنة، موضحة أنها اختارت الحضانة نظرًا لسمعته الأكاديمية الجيدة

وتابعت والدة الطفلة كاميليا: أنها كانت تدفع للحضانة في الشهر 3150 جنيهًا بخلاف الطعام، لافتة إلى أن مصاريف الحضانة تزيد إذا تم إدراج الطعام ضمن الاتفاق.

واكملت والدة الطفلة : «في حاجات حسيت بيها طبعًا، في أوقات ماكنتش بتبقى عايزة تدخل الحضانة، لكن لما سألت قالولي إنهم عندهم قواعد ونظام معين، وهي دلوعة مش عايز تمشي على النظام فطبيعي إنها تكون متعلقة بيكي وتعيط».

وواصلت والدة الطفلة كاميليا: «في مرة قالتي الناني ضربتني، ولما كلمتها، قالت معندناش الكلام ده، إحنا بنلعب معاها، إزاي دي كاميليا حبيبتنا، فصدقتهم، لأن مكنش يخطر ببالي إن حضانة معروفة والمفروض محترمة يكون فيها الكلام ده».

واوضحت سارة مصطفي: «واحد من الأبهات تواصل مع زوجي، وقاله إن في حد من داخل الحضانة كلمه وبلغه إن في ضرب وتعذيب داخل الحضانة، وإنهم معاهم دليل، وبعدها بعت لينا التسجيل، وتعرفت منه على صوت بنتي».

واضافت سارة مصطفي والدة الطفلة كاميليا: «كان في أبهات وأمهات تانية معانا، في الوقت توجهنا إلى النيابة، واللي وجهتنا إلى مركز الشرطة التابع للحضانة، وحررنا محاضر».