الرئيس السيسي: مش هنسيب أهالينا في الأسمرات وبشاير الخير وضرورة وجود عمل مستمر

قام الرئيس عبد الفتاح السيسي، بالتوجيه بضرورة إنشاء نقطة شرطة في مشروعات الإسكان مثل بشاير الخير والأسمرات وغيرها من الاماكن.

وتابع الرئيس: “وزارة الداخلية لازم يكون في كل منشأة من دي.. نقطة شرطة وتواجد شرطي.. ونحمي الناس وتواجد للدولة المصرية في المناطق دي.. نشوف الناس ونحميهم”.

وقال الرئيس السيسي، خلال كلمته في افتتاح مشروع محور التعمير الجديد “محور أبو ذكري: “التطوير مش بس المبني لا.. ده حاجة مستمرة.. دور بنقوم بيه كلنا تجاه اهالينا في المناطق دي.. صندوق للصيانة يتعمل ويتحط فيه الأرقام تحت إشراف رئيس الوزراء للإنفاق منه”.

وفي هذا الصدد أكد الرئيس السيسي، أن تنفيذ المشروعات مثل الأسمرات وبشاير الخير ليس الهدف منه توفير سكن أو مبني فقط، قائلا: “إحنا مش دورنا فقط توفير سكن للناس دي ونسيبهم، حيث قال أن وزارات الثقافة والشباب والتضامن والداخلية وكمان المحافظة والقوات المسلحة والجمعيات الأهلية”.

واستكمل الرئيس السيسي حديثه:” عملنا خطوة لكن فيه خطوات تانية، وسوف نساهم في تطوير هذه المجتمعات، مش تسبوها، لازم نكون موجودين معاهم ونشوفهم لو محتاجين حاجة، وندرب ولادهم، كل الجهات المعنية يبقي فيه عمل مستمر”.