عمرو أديب: مراسلو إسرائيل في كأس العالم بيتعاملوا معاملة زبالة والغريبة أنهم مستغربين.. وهو ده الكلام

تحدث الإعلامي عمرو أديب، عن المراسلين الإسرائيليين ببطولة كأس العالم قطر 2022، مشيرا إلى أنهم يتعرضون لرفض تام من قبل المشجعين العرب.

وقال الاعلامي عمرو أديب خلال تقديم برنامج “الحكاية” المذاع على قناة “إم بي سي مصر”: “من بداية كأس العالم فيه مذيع إسرائيلي موكوس ماشي وسط الناس كل ما يقرب علشان يصور مع حد يزقه ويشتمه ويتخانق معاه”.

وتابع عمرو أديب: “المراسل ده يدخل مطعم يرموه بره .. بيتكلم عربي كل ما يقرب من حد يتوكس .. اللي بيحصل معاه طبيعي”.

وواصل عمرو أديب: “هو رذل وبينقي العرب علشان يقول إنه إسرائيلي وماشي في شوارع الدوحة لوحة وبيصور مع العرب وهذا لن يحدث”.

واضاف عمرو أديب: “مراسلي إسرائيل في كأس العالم بيتعاملوا معاملة زبالة والغريبة إنهم مستغربين.. بيتم طردهم من كل مكان .. هو ده الكلام .. سيبك من الحكومات .. الحكومات عندها ضروريات لكن الشعوب حاجة تانية”.

واختتم الإعلامي عمرو أديب حديثه: “أي حد بيقول إنه تلفزيون إسرائيلي بيتقاله إمشي يالا”.