أحد العملاء يشكو عيوب تصنيع منتجات شركة توشيبا العربي

• شركة توشيبا العربي

تداول رواد مواقع التواصل الاجتماعي مشكلة لاحد عملاء شركة توشيبا العربي وذلك بعد تجربتها السيئة مع الشركة بعد شراء شاشة وعند تشغيلها وجد بها كسر داخلي رغم عدم استخدامها للشاشة وعند الرجوع للفرع كان ردهم انه سوء استخدام وليس سوء في الصناعة قائلاً: “اشتريت شاشة 50 بوصة من فرع تاون سنتر توشيبا العربي وهى لسه بالكرتونة بطلعها من الكرتونة عشان أشغلها لأن فرحى المفروض كان امبارح بفتحها لقيتها فيها كسر داخلى روحت فرع الصيانة الرئيسى فى العباسية اتقالى عيب إستخدام طب ازاى وهى مشتغلتش”.

سيدة تهاجم العربي جروب: “شاشات توشيبا سمارت في الضمان وفيها عيوب صناعة.. بقيت من أسوء الشركات اللي ممكن عميل يتعامل معاها”

وأكد انه عند استلامه قام المندوب بمعاينة الشاشة ولم يتم تشغيلها: “عارف إن فى ناس هترد تقول طيب ما أنت استلمتها وجربتها هقول لأ لأن والدى اللى استلمها ومندوب العربى فعلاً خرجها وقاله من بره اهى مفيهاش أى كسر وطبعا لأن كل اجهزتى من العربى ولأن معظم الناس بتشكر فيهم بس للأسف الشديد لقيت عكس كده نهائى”.

وواصل انه عند تقديم شكوي جاءت الردود غير منطقية وان السبب سوء استخدام بعد اخراج الشاشة بشكل خاطئ من الكرتونة: “من أول موظفين الكول سنتر لحد موظف الاستقبال اللى فى فرع الصيانة الرئيسى فى العباسية الرد الغير منطقى كان من مدير صيانة فرع العباسية اللى قالى أنها بسبب وأنت بتطلعها من الكرتونة حد ضغط على الجنب قولتله ده تفسيرك وده منطقى”.

عميل عن شركة العربي جروب: “اشتريت منهم بوتاجاز تورنيدو ومكملش أسبوع وفرقع.. واسوء خدمة عملاء اتعاملت معاها”

وتابع انه بعد تشغيلها مرة اخري فسدت الشاشة بأكملها والحل النهائي التي وصلت اليه خدمة العملاء هوخصم علي ثمن التصليح:”قالى أقصى حاجة ممكن اعملها أنى انزلك خصم 835ج من تمن التصليح اللى هو 5الاف قولتله لأ طبعاً وبشغلها دلوقتي قولت أى حاجة اتفرج عليها وفعلاً كانت شغالة لحد فجأة لقيتها جابت خطوط حمراء وفصلت نهائى مش هقول غير حسبنا الله ونعم الوكيل فى أى حد يستسهل حقوق الناس أو يعين على ظلم حد، وتم التواصل مرة اخري عن طريق خدمة شكاوى العملاء وقالولى فى خصم على الصيانة 1300ج”.