مواطن من ذوى الهمم يتقدم بشكوى ضد شركة زانوسي

تقدم أحد المواطنين من ذوى الهمم بتقديم شكوى ضد شركة زانوسي قائلا “اخوكم من ذوي الاحتياجات الخاصه لا حول ليا ولا قوه ومش عارف انزل اعمل محضر ف قسم الشرطه ف شركة Zanussi Egypt علشان أنا اشتريت غساله ومن وقت ما جبتها وهي بتعمل صوت خدوها قبل كده واتصلت وعلشان الفنيين اللي بيجوا عارفين اني مش هعرف انزل ولا اروح ولا اجي بياخدوها ويرجعوها بايظه دلوقت انا عايز “

وطالب المواطن بالمساعدة من الأجهزة المعنية قائلا”أي حد مسؤول يخليني ابدلها خصوصا انها مشتغلتش وديما بايظه وحاليا هي واقفه وبتخبط والفني قالي ادفع 800 جنيه “

وتابع قائلاً”اجي اخدها مش هتدفع مش هنيجي وقفل ف وشي مع انها داخل الضمان”

وأعرب عن استيائه من جهاز حماية المستهلك قائلا” مش مسعداني عملت شكوي واتصلت قالولي الفني اللي جيه وكشف قال ان فيه حاجه بين الحالتين مع ان الفني قالي ان الحله الداخليه لازم تتغير وان دا عيب صناعه ومش عارف جابوا منين ان فيه حاجه بين الحالتين وهو اصلا مفكهاش ولا جيه جمبها غير بسيط علشان يشوف فيه حاجه ولا لا وملقاش حاجه”

واخذ يعبر عن غضبه قائلا”حرام والله ربنا عالم انا حوشت تمنها ف اد ايه علشان اهادي بيها والدتي ومن وقتها وهي بايظه لا حماية المستهلك جايبه نتيجه ولا الشركه عايزه تبدلها حتي حد يقولي اعمل ايه علشان انا حاسس بظلم واني متكتف مش عارف اتصرف”