فضيحة صالون أحمد وعبده الشهير.. غش وتضليل في خامات مستحضرات الشعر

ورد على موقع التواصل الاجتماعي “فيس بوك” عميله تعبر عن صدمتها في صالون أحمد& عبده الشهير حيث أتضح أنه يستعمل خامات مغشوشة تضر الشعر.

قالت:” يا جماعة حصلي موقف في صالون احمد & عبده الشهير
مصدومة منهم فعلا لأني زبونة عندهم بقالي ٣ سنين، فروحت عندهم امبارح اعمل جلسة 2&1 Olaplex (كريم تغذية للشعر) وده معروف نسبيا لناس كتير وازاي بيخلي الشعر ناعم وصحي المهم قالولي الجلسة ب ٤٠٠ جنية قولت تمام بس استغربت انه ارخص من صالونات تانية مع ان اسعاره في كل حاجه غالية”.

وتابعت:” المهم البنت راحت تحضر الكريم والحاجه وأتأخرت فروحت اشوفها لقيتها ارتبكت وقالتلي جيالك وماسكة علبة سوداء وolaplex اصلا علبته بيضاء فشكيت وروحت مقربة أشوف بتعمل ايه لقيتها ارتبكت هي وال بيقف على الكاشير فلاقيت ال olapex وبتزود عليه من العلبة السودا دي فبقوله ايه ده بتعملي ايه قالتلي بحط كريم فبقوله ليه ال olaplex مش محتاج يتحط له حاجه ثانيا انتي ماقولتليش هاتزودي حاجه ثالثا ده مكتوب عليه بروتين مش كريم”.

وأضافت:” طبعا كانوا مرتبكين فقولتلها لا خلاص مش هاعمله والبنت طبعا كانت هاتعترض علشان هي خلاص عملته على الفاضي بس الرجل قالها خلاص خلاص لاني كده اكتشفت انهم للاسف بيغشوا وشكله طبعا olaplex مضروب وبيحطه عليه حاجات علشان ينعم وخلاص وياخذه بسعر ال olaplex”.

واستكملت:” بجد انا مصدومة وفعلا حاسة بعدم ثقة حتى في الاماكن ال لها اسم مابقاش في امانة”.

وأضافت:” قبل كده غسلتلي شعري بشامبو بيعمل حرقان في فروة الرأس وقعدت اقولها ايه ده، ولا اكني في صالون تحت السلم”.

وتابعت:” اتصلت بالفرع التاني أحاول اخد رقم أ/ احمد او عبده علشان اوصلهم شكوتي يمكن مايعرفوش هم بيعملوا ايه للزباين بس طبعا الي رد عليا رفض وقالي حضرتك اديني رقمك وهم هايكلموكي بنفسهم وطبعا ولا حد سأل ولا فارق معاهم ويلا بناقص عميل وحسبي الله ونعم الوكيل”.