شركة وي تجبر عميل على الإشتراك في خدمة الإنترنت لكي تنقل له الخط الأرضي

ورد على موقع التواصل الاجتماعي “فيس بوك ” شكوى من شخص يدعى” تامر إبراهيم” أنه يواجه مشكلة في نقل خطه الأرضي بسبب أنه مشترك في إنترنت فوادفون.

فقال تامر:” تقدمت بطلب لنقل الخط الارضي وأنا مشترك في إنترنت فودافون قالي لي الموظف مش هينفع تنقل الخط الإ لما تشترك في إنترنت وي وتلغي اشتراك فودافون وقال لي دي تعليمات وأنا مش هقدر انقلك الخط وقال لي أدخل لمدير الفرع الأستاذ محمد مصطفى”.

وتابع:” ودخلت لمدير الفرع بسنترال العاشر من رمضان قالي لازم تشترك في انترنت وي ومش هينفع تنقل الخط غير لما تشترك مع وي رفضت قالي ادفع ١٤٠ جنيه وهخلي الموظف يعملك طلب النقل وقال للموظف خد منه ١٤٠ جنيه واعمله طلب النقل قولتله تحت بند ايه ادفع ١٤٠ جنيه قالي تمن البورت قولتله اديني فاتوره بالمبلغ وهدفعهم قالي مافيش فواتير رفضت أدفع وقولت انقل الخط بدون انترنت انا عاوزه مكالمات فقط رفض وقالي مش هينفع وبعد جدال معاه قالي هعملك طلب نقل بس هيتعذر النقل ومش هتاخد رقم قولتله السبب ايه قالي مافيش اماكن في البوكس”.

وواصل:” وموضوع النقل وقف بسبب إن مدير الفرع عاوزني اشترك في إنترنت وي تقدمت بشكوى ل وي رقم 867405 بتاريخ ٢٧/٩، وشكوي ثانيه رقم 886093 بتاريخ ٢/١٠، وشكوي ثالثه رقم ٩٠١٩٣٥ بتاريخ ٥/١٠، وشكوي رابعه رقم ٩١٧٨١٤ بتاريخ ٩/١٠
وشكوي للجهاز القومي رقم ٣٤٩٤٦٦٥ بتاريخ ٢٩/٩
ولايوجد حل حتى الان”.

وأضاف:” حالي واقف بسبب عدم نقل الخط الارضي لأكثر من ٢٠ يوم”.

وأشار:” المشكله بقا إن الجهاز القومي بيقولي بعد المتابعه مع الشركه اتضح إن مافيش إمكانية في الوقت الحالي رديت عليهم وحكيت اللي حصل وإني ممكن انقل الخط دلوقتي لو هشترك في انترنت وي قالوا هنتابع مع المصرية للاتصالات ونرد عليك”.

وتابع:” تم ارسال شكوى للرقابه الاداريه، وشكوي لحماية المستهلك، وشكوي لمجلس الوزراء، وشكوي لفريق السوشال ميديا الخاص ب وي،ومنتظر الحل”.