أسوء خدمة وأسوء خامة .. شكوي ضد شركة Xiaomi Egypt

تداول رواد مواقع التواصل الاجتماعي شكوي احد الاشخاص من شركة Xiaomi Egypt Xiaomi، وقد عبر عن شكوته بان الشركة تقدم أسوء خدمة وأسوء خامة مستخدمة، حيث كانت مشكلته بسبب تكرار عطل في الهاتف المحمول مع رفض الشركة لتقديم اي تقارير خاصة بالمشكلة قائلاً ” اشتريت الموبايل اخر شهر ١٢-٢٠٢١، الجهاز ضمانه سنة، بعد ما جبته ب ٣ شهور البصمة باظت و علي ما رحت التوكيل كان زرار الباور كله باظ”

وتابع مؤكداً انه ذهب للتوكيل لتصليح العطل الموجود بالهاتف واكتشف وجود أكثر من شخص لديهم نفس العطل قائلاً: “رحت التوكيل قالي هسيب الموبايل اسبوع و لما رحت استلمه كان  رافض يديني حتي ريبورت عن المشكلة الي حصلت و يحاول يقنعني أن ملهاش لازمة و إن كدة كدة الي حصل متسجل عندهم عالسيستم و مش محتاجة اقلق و قمة البرود و كان الي حصل عادي متوجعيش دماغي و فعلا كان في نفس الوقت ٢ جايين يشتكوا من مشكلة البصمة”

واستطرد: ” بعدها ب ٥ شهور الموبايل وقع سوفت وير فجأة و بدون اي مقدمات و راحت كل ملفاتي و شغلي و دراستي و كانت فترة مشروع تخرجي، ذهبت للتوكيل للمرة الثانية واستلمت التليفون بعدها بأسبوع لكن لما طلبت منه ريبورت للمشاكل الي حصلت طبعلي اخر مشكلة بس بتاعت السوفت وير و قالي مقدرش اطبعلك اي مشاكل قديمة بس اه هو متسجل عندي بس مقدرش اطبعلك ريبورت ب ده”