والد عريس الإسماعيلية: كانت بتسيب البيت بالـ 43 يوم وابني معلمش حاجة

دافع والد عبدالله «عريس الإسماعيلية»، عن نجله بعد اتهامه بالاعتداء على «مها» الشهيرة بعروس الإسماعيلية، قائلًا: «أنا جوزت ابني من أجل إسعاده، والدنيا كلها جت وشافت إني عامل مكان لإبني محدش يحلم بيه».

وأضاف والد عريس الإسماعيلية، خلال مداخلة هاتفية مع برنامج «بنت البلد» المعروض على قناة «صدى البلد» «كنت بوديها لبيت أبوها بتكاسي وأجيبها بتاكسي، لكن هي مش عايزة تعيش، هي إنسانة مريضة، أنا عمها ابن عم أبوها مباشرة، إزاي أضربها، وكانت بتسيب بيت ابني بالـ43 يوم وتروح لأهلها».

واستطرد: «ابني محبوس في قسم ثاني، أنا مش قد الإعلام، أنا راجل أرزقي، واسألي عنا في المنطقة هل إحنا وحشين ولا كويسيين؟ إحنا ناس عايزين نعيش في هدوء».

واختتم: «ابني معلمش حاجة، وابني مظلوم، لكن مراته كبرت وصعدت الموقف، وقالت ضربوني، أنا لو شفت الوضع من الأول مكنتش جبتها بيتنا ووديتها على بيت أبوها».