أسوء شركة اتصالات.. عميل يشكو من شركة فوادفون

ورد على موقع التواصل الاجتماعي ” فيس بوك” شكوى من أحد العملاء بخصوص شركة فوادفون حيث أشار إلى سوء خدمة العملاء في التعامل مع عملائها.

فقال:”شركة Vodafone Egypt فعلا بقت من اسواء شركات الاتصالات اللي موجوده في مصر، وميبقاش لا فارق معاها الجهاز القومي لتنظيم الاتصالات – مصر ولا غيره ولا فارق معاها العملاء كمان
بقت بتتعامل مع العملاء علي انهم خدامين عندها هيا تغير زي متحب وهو دا اللي عندنا واسهل رد ممكن يتقال فيه مشكله ف السيستم وان يتم ابلاغك”.

وأضاف:” الشركة بقت بتغير ف أسعار الباقات وتعدل فيها زي مهي عايزه والعملاء تتفاجئ ان فلوسها بتطير”.

وتابع:” الانترنت بقي يجي اخر ١٠ أيام في الباقه حتي لو كان لسه معدتش النص ويقلب سحلفه علشان يجبروك إنك يأما تغير شريحة ياما تجددها علشان تستخدم النت عادي”.

وتابع:” خدمة العملاء التليفونية سيئه من زمان ولكنا عارفين بس اللي بقي أوفر ردودهم كمان علي السوشيال ميديا”.

وأشار:” الشركه شبعت عملاء وبقت شايفه أن العميل اللي يمشي عادي مش فارق معايا ف حاجه هيجي غيره ١٠٠”.

موضحا:” أنا حبيت اشارككم المشكله بتاعتي وحابب اسمع رأيكم برضوا”.