أسوء عربية ممكن تركبها في حياتك.. عميل يشكو من سيارة بيجو 3008

ورد على موقع التواصل الاجتماعي ” فيس بوك” شكوى فيما يتعلق بخامات سيارة بيجو 3008 موديل 2021.
وفي هذا الصدد قالت:” أسوأ عربيه ممكن تركبها في حياتك هي بيجو وخصوصآ بيجو 3008 موديل 2021″.

وأشارت:”بعد شهر بالظبط أقسم بالله جابت مقص اتغير في التوكيل دون دفع أي مبلغ لأن في الضمان”.

وأضافت:” بعد ٣ شهور البانوراما فرقعت مره واحده وأنا ماشيه والتوكيل مصمم أنها طوبه وعايز وقتها ٣٠٠٠٠ ايوه ثلاثون الف جنيه لزجاج البانوراما وغيرتها طبعا بره ب ٢٠٠٠ اقسم بالله”.

وتابعت:”بعد سنه من تجديد الرخصه وقفت مره واحده ومفيش اي سبب لعدم قوم البطاريه التوكيل بعت خدها علي ونش واقسم بالله العلي العظيم عربيتي اترفعت علي ونش لنفس السبب ٣ مرات و المره الرابعه جم بعربيه ملاكي لتغير البطاريه
ومستمر هذا العطل بستمرار”.

وأضافت:” أخيرا زرار فرامل اليد باظ ومش موجود ولما يجي هنكلمك”.

وتابعت:” أنا بكره راحه التوكيل لأن العربيه اليوم اتخدت علي ونش لنفس السبب توقف تااااام للعربيه ومش بتقوم وبإذن الله اخر مره ادخل التوكيل لان هخرج علي بيع أسوأ عربيه في الدنيا بيجو 3008″.

وأشارت:”الميزه الوحيده توكيل بيجو مدينه نصر مانسكو ده الحسنه الوحيده خدمة العملاء وليس الصيانه”.