يسرا اللوزي اتعرضت للتنمر بعد ما بقيت ام

كتبت : أوركيد سامي 

تحدثت الفنانة يسرا اللوزي ، عن تأثير مواقع التواصل الاجتماعي بشكل سلبي على الصحة النفسية و التي أدت إلي هوس الناس بالتجميل و الاهتمام المبالغ فيه بالظهور بشكل مثالي في الصور طوال الوقت

قالت “يسرا اللوزي ” خلال مقطع فيديو نشرته عبر حسابها على موقع التواصل الاجتماعي “أنستجرام ” أنها تعرضت للتنمر كثيرا بسبب زيادة وزنها بعد الانجاب و ذلك اثر عليها يشكل كبير و علي اهتمامها بنفسها لاقته الي أن لا يوجد انسان مظهره مثالي طول الوقت

تابعت: “أنا ملاحظة إن من ساعة الناس كلها بقت مهتمة بالسوشيال ميديا، ابتدا يبقى فيه هوس بإن إحنا دايما لازم دايما يطلع شكلنا مثالي كإننا طالعين من مجلة، سواء مشاهير أو ناس عادية، كل الناس بقيت تعمل إيديت للصور بتاعتها وبتحاول تثبت دايما للآخرين أن شكلهم هايل طول الوقت، وفي الحقيقة ده مش واقعي بأي شكل من الأشكال”

و أضافت : “إحنا كلنا بشر وبنمر بفترات مختلفة في حياتنا وبأزمات، وده بيأثر على شكلنا وجسمنا، ومفيش أي حاجة عيب في كدة، أتمنى أن إحنا نحترم ده في بعض ونقدره ونهتم أكتر بإن إحنا نبقى كويسين ونفسيتنا كويسة ومرتاحين في حياتنا عن إن يطلع شكلنا

استطردت: “في الفترة إللي فاتت أنا شخصيا اتعرضت للتنمر كتير على السوشيال ميديا خاصة بعد ما بقيت أم، في بعض الناس بتكتب تعليقات جارحة وسخيفة بتأثر عليا بشكل كبير وتخليني معنديش طاقة أو قوة إرادة إن أنا أهتم بنفسي، بيجيلي إحباط بيخليني مقدرش أقوم من السرير أعمل حاجة مفيدة لنفسي، أتمنى إننا نبقى راحمين ببعض أكتر، ومنتنمرش على بعض”