هالة فاخر :”كان لازم أقلع الحجاب علشان أشتغل وربنا غفور رحيم”

حلت الفنانة هالة فاخر، ضيفة في برنامج “كلمة أخيرة”، الذي تقديمه الإعلامية “لميس الحديدي”، المذاع على شاشة “On”، وكشفت عن أسباب خلعها الحجاب بعد ارتداءه لأكثر من 4 سنوات.

وقالت الفنانة هالة فاخر :”أنا حسيت إني عايزة اتحجب وما فيش حد أثر عليا ولا روحت دروس دينية، قبل ما اتحجب روحت الحج، وأنا قعدت محجبة حوالي 4 أو 5 سنين.

وتابعت هالة فاخر :”لإن الشغل بقى محدود، وأنا مش وارثه، ومافيش، لازم أنزل أشتغل، ولما سمعت إن الباروكة بدل الحجاب، قولت أهو تلكيكة، لكن دا مش صحيح طبعا، واشتغلت شوية بالباروكة”.

وأكملت هالة فاخر :”الباروكة بتحلي أكتر، ما هو يا تتحجبي يا إما ما تتحجبيش، كنت في الفترة دي عندي لغبطة، ما بين إني اتحجب وإني أقلع الحجاب، بس أنا لازم أقلع الحجاب علشان أشتغل، وربنا غفور رحيم”.

وأضافت الفنانة هالة فاخر :”حسيت إني نازله الشارع وأنا مش مكمله لبسي، حسيت إني “عريانة”، وما كنتش بلبس “كت”، اللي بيني كان بين ربنا سبحانه وتعالى”.