فريدة سيف النصر: “كل ما أتنفس ولا أتصور ولا أتكلم أبقى تريند وحديث المدينة”

أعربت الفنانة فريدة سيف النصر عن غضبها من بعض التصريحات التى نشرت لها علي المواقع الصحفية ، ذلك عبر صفحتها الرسمية بموقع التواصل الاجتماعي فيس بوك.

حي نشرت الفنانة فريدة سيف النصر منشورا بموقع التواصل الاجتماعي فيس بوك،قائلة : هو في ايه بجد.. إيه الخيبة اللي أنا فيها دي.. كل ما أتنفس ولا أتصور ولا أتكلم أبقى تريند وحديث المدينة.. ليه خير إن شاءالله.. محسيسني إني لسه صغنونة نوغة .. وإني مثلا نزلت صورة بلبس مثلا ملفت مش قاطعة لكم رأسي وبس.. مالكم بجد… وجرايد ورقيه محترمة ومواقع برضة كبيرة .. هو مافيش غيري” .

وتابع فريدة سيف النصر: وفيه ناس أحلي وأصغر وأهم وعندهم اللي ترغوا فيه.. هتحرموني أكون ذوق وأدي أخبار أو أرد علي صحفيين خالص” .

وواصلت فريدة سيف النصر قائلة : وللعلم مبحبش أصد حد أو التعالي بالذات الشباب الجديد ، يكون جزائي عكس الكلام وأخد عناوين فرقعة علشان التريند.. الأمانة والمهنية أهم من مصطلحات السوشيال ميديا الجديدة دي”.

واضافت الفنانة فريدة سيف النصر:” عموما كده عيب لأي حد احترمته رغم صغر السن والحداثة في المهنة ورديت وحبيت أسانده.. والنتيجة علشان فرقعة تخسرني ماشي ألف شكر ومش هرد تاني مع اعتذاري للجميع” .