علي جمعة معلقاً على التحرش بالفتيات: اللي هيتحرش بعد كده هنقطعله راسه فحاسب على نفسك يا متعوس

تحدث علي جمعة، عضو هيئة كبار العلماء بالأزهر الشريف، ومفتي الجمهورية السابق، على حالات التحرش ومعاكسة الفتيات في الشوارع.

وتلقى جمعة، خلال برنامج من مصر، المذاع على فضائية cbc، ويقدمه الإعلامي عمرو خليل، سؤال نصه: بعض الناس ممكن يصلي وممكن في وقت تاني نشوفه يعاكس بنت أو يتحرش بالبنات أو ينظر إلى ما حرم الله.. فما الحكم؟.

ورد جمعة ساخرا: “اللي هيتحرش بعد كده هيقطعوله راسه وإيديه وهيخلوه ماشي من غير رقبة”.

وتابع  علي جمعة، قائلا: “لما نقول متتحرشوش نلاقي البعض يقول طيب هي ما تلبسش، دا كلام نقوله لها هي، لكن بنقول لك يا متعوس لو مديت إيديك عليها هنقطعهالك، فحاسب على روحك”.

وأردف مفتي الجمهورية السابق: “أعتقد لا يوجد شخص بيصلي ثم يتحرش، بيتهيألي دا مش موجود”، متابعًا: “نقول للمتحرش توب إلى الله سبحانه وتعالى واقلع عن كل معصية، وكمان نقول للمتحرش صلي علشان الصلاة هتساعدك في التغلب على نفسك”.