فتاة تشكو من ستاربكس فرع Gleem Bay : ” عملي الفرابتشينو في نفس كوباية الشاي الاخضر بعد ما غسلها”

تقدمت فتاة ،بشكوي من ستاربكس” متجر القهوة العالمي” بفرع Gleem Bay بالإسكندرية ،مشيرة إلي أنها تلقت خدمة ومعاملة سيئة من العاملين بالفرع .

حيث كتبت عبر موقع التواصل الاجتماعي فيس بوك ، قائلة : “تجربة سيئة ف ستاربكس فرع Gleem Bay وحاولت أعمل شكوى مش لاقية اى رقم ولا أى مكان يقبل الشكوى ..كنت هناك و طلبت أوردر بـ (شاى أخضر بالليمون و أيس وايت موكا )..المهم ع الكاشير قالى مفيش flavour الليمون حاليا ، فى بس خوخ و فراولة .. فقولتله تمام خلى الـ flavour خوخ “.

وتابعت :”وقفت حوالى 20 دقيقة منتظرة يجهزلى الأوردر ..حط الشاى الأخضر ف الكوباية و بعدين قعد يدور على flavour الخوخ لقاه خلص ..راحو نادونى ع الكاشير تانى وقالى الخوخ خلص ف ممكن حضرتك تاخدى شاى أخضر من غير flavour أول تبدلى بحاجة تانية .. قولتله تمام خليه فرابتشينو “.

وواصلت :في نفس الكوباية اللى كان فيها الشاى غسلها وراح حطلى فيها الفرابتشينو .. واستلمته وقولتله فين الايس موكا.. قالى ثوانى وقعد يدور ملقاش الكوباية اللى مكتوب عليها الأسم “.

واكملت :”راح جايبلى كوباية و مكتبش عليها الأسم ولا أى حاجة ” رغم أن دا أساس ماشى عليه كل فروع ستاربكس ف معظم دول العالم ..وراح عملى فيها آيس موكا بقطع تلج رغم أنى طلباه يكون مضروب .. روحت ف نص م هو بيحضره كدا قولتله انا طلباه مضروب … راح حطه ف الخلاط و ضربه وعطهولى بنرفزة كدا “.

واضافت :”قولتله بعد إذنك اكتبلى الاسم ع الكوباية ( لأن كان معايا قريبتى بنوتة صغيرة وكانت متحمسة انها أول مرة تجرب ستاربكس ف كنت عوزاها تعيش التجربة كاملة مش أكتر لكن انا اكيد مش هيفرق معايا ) .. راح قايلى مينفعش اكتبه بعد م الكوباية اتحط فيها حاجة “.

واختتمت حديثها :” فى حاجة اسمها الـ quality control و خصوصا فى البراندات ..الخدمة مقابل السعر .. فلما اشترى مثلا كوباية قهوة بـ 55 ج لازم آخد مقابلها التجربة كاملة .. أكيد انا لو شارية كوباية قهوة بـ 10 ج مش هدقق ف اى حاجة من دى .. ان مفيش حد بيشتغل فـ ستاربكس غير لما بيكون عنده خبرة كبيرة لأنه براند أو حتى لو فى خطأ لاننا بشر فـ يكون فى اعتذار او تقدير لتقبلى الخطأ دا “.