إخلاء سبيل المتهم أحمد الجنزوري في قضية اغتصاب فيرمونت

أمرت النيابة العامة، برئاسة المستشار حماده الصاوي، بإخلاء سبيل المتهم أحمد الجنزوري على ذمة التحقيقات في قضية التعدي على فتاة فندق الفيرمونت.

وحصل “القاهرة 24” على رسالة أحمد الجنزوري، وذلك من داخل محبسه على خلفية اتهامه في قضية الفيرمونت الشهيرة، التي وقعت أحداثها عام 2014 التي ستنشر على عدة حلقات متواصلة.

وذكر أحمد في رسالته من داخل محبسه: “أمي العزيزة أنا آسف ليكم كلكم انكم بقيتوا في الموقف ده بسببي، أسف أني حسرتكم وقهرتكم عليا، عارف يا أمي مدي معاناتك أنت وأخواتي بسبب اللي حصلي ده”

وأوضح في رسالته: “أنا عارف أنني بريء ولا علاقة لي بحادثة فيرمونت دي لكن يمكن دي رسالة من ربنا ليا علشان أدعي له انه يخرجني من اللي أنا فيه يارب أسمع صوتي ودعائي يارب، ارجوكم بلغوا كل أصحابي انني لا زالت على قيد الحياة وبحاول اصبر واستني الفرج”.

وأظهر أحمد الجنزوري حبه لوالدته قائلا: “عايز أقولك يا أمي اني مش قادرأصبر لغاية لما أخرج علشانأعرف اعوضك عن اللي حصل ده واديكي كل الحب اللي تستحقيه ونفسي أول حاجة نعملها أنا و انتي هي العمرة”.

واستكمل الجنززري: “أنا آسف أوي يا أمي لأنك اضطررتي تكوني في الموقف ده، كنتي دايما أفضل أم أعطيتني كل شيء وكنتي دايما عندك نكران الذات، أوعدك يا امي بأني هخرج من هنا في أفضل حال إن شاء الله، وهاخليكي فخورة بيا، أرجوكي يا أمي أبقي قوية و اصمدي يا حبيبتي، أنا مش هعرف اعيش دقيقة واحدة لو حصلك أي حاجة”.

واستطرد “الحاجة الوحيدة اللي بتمناها من ربنا هو أني أشوفك وأخدك في حضني يأمي ، صدقوني هيحصل أنا عندي يقين أنه في مرحلة ما ربنا ها يساعدني ويخرجني من كل ده ربنا عالم و عارف و أنتي كمان يا أمي واثقة من كده، سنلتقي قريبًا يا أمي .. بحبك أوي”.

واختتمت الرسالة ” بحبكوا كلكو، وارجوكو خلوا بالكم من نفسكم واضحكوا و اضحكي يا أمي سأكون بخير .. أرجوكي خليكي قوية و اصبري واعملي كل اللي تقدري عليه علشان اطلع من هنا، ومرة تانية أنا آسف علي كل الألم والحسرة و الحزن اللي سببتهم ليكي و لعائلتي كلها”.

من جانبه قالت الدكتورة مني الجنزوري، رئيس أقسام الأطفال بمستشفى عين شمس، إن الأسرة تنهار بسبب حجز شقيقي أحمد الجنزوري الشاهد في قضية الفيرمونت وليست له علاقة من قريب ولا من بعيد بالقضية.