«بلاش تقاليع غريبة».. ياسمين عز: ليه العريس بيشيل مراته في الفرح ويلف بيها زي المروحة؟

علقت الإعلامية ياسمين عز، على العادات المستجدة التي يقوم بها بعض المتزوجين في أفراحهم، قائلة: ليه بقينا نشوف تقاليه غريبة”.

وقالت ياسمين عز، خلال حديثها ببرنامج “كلام الناس“، المذاع على قناة إم بي سي مصر: “فكرة الفرح اتعملت عشان إشهار الجواز والاتنين يحتفلوا ببداية حياة جديدة، لكن إيه اللي بنشوفه دلوقتي، كل عريس وعروسة عاوزين يطلعوا يتشهروا حتى لو بالخناق والضرب”.

وأضافت: “ليه وصلنا للمرحلة دي؟ السيشن بمبلغ وقدره، وفي 3 أو 4 مصورين في الفرح، هو ده فرح الأميرة ديانا، فين هيبة العريس والعروسة دلوقتي؟ العروسة حاليا بتقوم بدور الرقص الاستعراضي”.

اقرأ أيضا: «بيخرب بيوت والرجالة بتخاف منه».. ياسمين عز تحذر السيدات من أن تسأل أزواجهن هذا السؤال

ياسمين عز: العروسة بقت بتقوم بدور المطرب الشعبي في الفرح

وتابعت: “العروسة بترقص بشكل غريب جدا دلوقتي، وبتقوم بدور المطرب الشعبي، بتنسى أنها أنثى وبنت رقيقة، إزاي ترقص في فرحها شعبي وتتنطط وتعمل حركات غريبة”.

وأكملت: افرحي وارقصي لكن برقي، وساعات تلاقي عروسة نازلة من السقف، ما تنزلي على السلالم، وطرحتك تنزل وراكي عشان الناس شوفوا جمالك ووقارك، ليه ينزلوكي من السقف”.

وواصلت: “دلوقتي العريس بيلف بالعروسة لفة المروحة، ويقوم واقع بيها ويقع عليها أو يقعوا على المعازيم، ياريت لو نقعد في الكوشة ونرقص رقص هادي فقط، إحنا مش عاملين سيرك، كفاية تقاليع غريبة، خلي عريسك يعلقك في المروحة في البيت زي ما أنتي عايزه”.

اقرأ أيضا: ياسمين عز للستات: «الحقي اتهني بجوزك قبل ما يجيله جدري القرود»