حسين الشحات يحتفل بعيد ميلاده: سنة عدت من عمري وأنا محقق بطولات نجاحات وإنجازات كتير

حرص حسين الشحات ، لاعب النادي الأهلي، على الاحتفال بعيد ميلاده الـ 32، مؤكداً أنه راضي عن نجاحاته وإنجازاته التي حققها خلال هذا العام .

وقام حسين الشحات بنشر صورا من احتفاله بعيد ميلاده، وذلك عبر صفحته الرسمية بموقع التواصل الاجتماعي إنستجرام.

وعلق عليها، قائلا “الحمد لله.. سنة عدت من العمر ولسه بنحاول ونعافر، سنة عدت وأنا راضي ومحقق بطولات ومحقق نجاحات وإنجازات كتير فردية وجماعية، سنة عدت فيها الحلو وفيها اللي أنا راضي بيه سواء إصابات أو عدم توفيق وكله أنا راضي بيه”.

وتابع حسين الشحات: “الحمد لله والجاي أحسن أكيد وأنا واثق في ربنا ان هعدي الفترة دي وهبقي أحسن وأحسن أكيد لأن كله بإيد ربنا، يارب افرجها من عندك يارب، وأنا هسعي وهعمل كل اللي عليه والباقي عليه ربنا”.

واضاف الشحات: “شكرا لكل واحد واثق فيا ومتأكد ان هعدي كل الصعب، شكرا لأمي وزوجتي وأولادي واخواتي، شكرا لكل الناس اللي دايما في ضهري وواثقة فيا”.