تامر عبد المنعم عن صفعة عمرو دياب: حضرتك سواق يبقي مكانك العربية بره مش جوه قاعة فرح

تحدث الفنان تامر عبد المنعم، عن واقعة صفع المطرب عمرو دياب لشاب أثناء محاولته لالتقاط صورة معه فى حفل زفاف ابنة المنتج محمد السعدي.

وقال تامر عبد المنعم عبر صفحته الرسمية بموقع التواصل الاجتماعي فيس بوك: باختصار شديد كل واحد يلزم مكانه حتي لا يختلط الحابل بالنابل.. حضرتك سواق يبقي مكانك العربية بره مش جوه قاعة فرح وكمان علي مسرح العريس والعروسة والأهل والأصدقاء المقربين ونجوم الحفل.

وتابع: عشان كده في الحفلات بيكون فيه تذكرة ب١٠٠ جنيه وتذكرة ب٣٠ الف.. أنا مش بحتقر حد ولكن في مساحة لا يحب اختراقها إلا لمن له الحق في ذلك .. 

تصرف غريب علي من يتواجد في هذا المكان أدي الي رد فعل غريب ايضا علي المكان .. كل واحد لو لزم حدوده المسألة تتحل.

وواصل: وانا ضد فكرة ده غلبان ومسكين وفقير والسكة دي لانه ما قابلوش في جامع ده واحد جوه فرح AAA plus.. وحكاية المحاضر والأجواء دي تسخين سوشيال ميديا واعتقاد المحيطين بيه انها فرصة العمر للتعويض.

واضاف: اخيراً مليون دولار لن يكون كافيا لاستعادة الكرامة ولمن يريد ان يحافظ علي كرامته عليه إلا يتواجد بالاماكن الغير مسموح له بالتواجد بها.