انقلاب سيارة الفنان علي قنديل وسرقة متعلقاته في أكتوبر.. صور

أعلن الفنان الشاب علي قنديل، عن تعرضه لحادث سير مروع مما أدى لانقلاب سيارته وسرقة متعلقاته بمدينة 6 أكتوبر بمحافظة الجيزة.

وقام علي قنديل بنشر صور من الحادث عبر تطبيق الانستجرام، وعلق عليها، قائلا: “الحمد لله على كل حال امبارح عملت حادثة واتقلبت بالعربية بسبب جزيرة في وسط الطريق”.

وتابع: “ فضل ونعمة مفيش أي إصابات شكراً جزيلاً لكل الشباب المحترمة اللي وقفت معايا لحد ما اتطمنوا عليَّ وشكر خاص لرجال الشرطة المهذبين اللي كانوا متعاونين ومتفهمين لأقصى درجة”.

وواصل: “بعتذر عن التواصل لأن في شخص شاف إن ده وقته يسرق شنطتي بالمحفظة وتليفون شغلي بس الحمد لله على نعمته ورحمته ورصيد ستره الكتير”.

واضاف: “ربنا يخلّيك ليا يا إسلام الشافعي.. صديق عمري اللي دايماً موجود استعدوا هنضحك قريب”.