والد البلوجر هدير عبد الرازق : فيديوهات بنتي محترمة.. هو في قانون يمنع إنها تلبس عريان؟!

حرص والد البلوجر هدير عبد الرازق، على دعم نجلته بعد إلقاء القبض عليها بتهمة التحريض على الفسق والفجور، قائلا: “هي عاملة حوالي ألف فيديو مفيش فيهم حاجة خالص غير فيديوهين وحشين، لكن كل الفيديوهات محترمة وبتطلع بهدومها”.

وتابع والد البلوجر هدير عبد الرازق، مداخلة هاتفية مع الإعلامي سيد علي في برنامج “حضرة المواطن” المذاع عبر قناة الحدث اليوم: النهاردة بعد ما اتحقق معاها 11 ساعة اتحبست أربع أيام بناء على إيه، مفيش اتهام ومفيش فيديو يدين، والنيابة لما سألتها إمبارح قالت هو في قانون يمنع إني ألبس لبس عريان؟ يبقى نقوم بالكلام ولا بالحبس؟”.

وأكمل: بنتي تعمل بلوجر من باب التسلية، وظروفها المادية جيدة، فيديوهات بنتي محترمة وبتعرض منتجات على السوشيال ميديا، و هل لبس بنتي هيجي جزء من اللي بيتعرض على السجادة الحمراء فى مهرجان الجونة؟!.. استحالة.

واضاف: “هي مش بتاخد فلوس وأثبتت ده في النيابة، والمنتجات اللي بتعرضها بتاخد حقها كعلاج، وبقالها أكثر من سنة مبطلة، وكل الفيديوهات دي لها سنتين ونص، كانت فين الرقابة سنتين ونص؟”