ياسمين عز للأزواج : المفروض أول ما تدخل البيت تحضن زوجتك وتقبلها وتديها فلوس

حرصت الإعلامية ياسمين على توجيه نصيحة للازواج يفعلونها عند دخولهم إلى المنزل، قائلة: هناك تقنية الـ 180 ثانية من دراسات علمية.. هي أن أول ما يدخل الزوج إلى المنزل المفروض يعمل 5 أشياء أساسية.. أولا يسلم على زوجته، وثانيا يقترب من زوجته، وثالثا يحتضن زوجته… ورابعا يقبل زوجته.. وخامسا يطبطب على زوجته.. سادسا يحط في إيدها فلوس.. سابعا اصحي من النوم يا مدام أنتي بتحلمي ومفيش الكلام ده.

وتابعت ياسمين عز من خلال برنامج كلام الناس: «امبارح يا جماعة، خلصت شغلي، وذهبت إلى منزلي لأنام كالملاك البرئ، ونمت وصحيت لقيت الناس بتقول الحق ياسمين عز بتنتقد الفرعون الصغير والكبير، عمري ما قلت فرعون إلا على جوزك، مش أى حد معدي في الشارع يبقى فرعون».

وأضافت ياسمين عز: «اللي معدي في الشارع دا يا مدام، ملوش علاقة بفرعون أو أخناتون، أنا عادي يا جماعة، إنما مش كل الناس هتتقبل الهزار على الناس اللي عندهم مصاب كبير في بيتهم، أى حد في الشارع بيغلط بيتعاقب، أنا لما حد غلطت في رفعت قضية وكسبتها بكل هدوء، احنا بننتقد ونشجب ونشاور على الغلط كمان، فرعون أو أخناتون، أو بنت خالة حتشبسوت عادي جدا».