الإفتاء: اللى يمشى واللى بيساعد زميله إنه يزوغ من الشغل الاثنين عليهم إثم شرعى ومالهم لا بركة فيه

تلقى الدكتور محمد عبدالسميع، أمين الفتوى بدار الإفتاء المصرية، سؤالاً من أحد المتابعين، يقول فيه: “ما حكم التوقيع للموظف في دفاتر الحضور والانصراف دون وجوده في العمل؟”.

ليرد الدكتور محمد عبدالسميع خلال حلقة برنامج “فتاوى الناس”، المذاع على فضائية “الناس”، قائلا: “يعنى لو فى عذر كبير إنه يمشى، ويكون بشكل قانونى يكون أفضل، لكن لما يخالف القانون ويمشى هذا حرام”.

واضاف أمين الفتوى بدار الإفتاء المصرية: “اللى يمشى واللى بيساعد زميله إنه يزوغ من الشغل الاثنين عليهم إثم شرعى، ومالهم لا بركة فيه، طالما يخالفوا القانون واللوائح والقانون، لكن لو القانون يسمح مفيش مشاكل”.