غادة عبد الرازق: أنا معنديش استقرار عاطفي ولا نفسي.. و أنا ست بتعامل مريضة من 35 سنة

حلت الفنانة غادة عبد الرازق،ضيفة فى برنامج «كلمة أخيرة» الذي تقدمه الإعلامية لميس الحديدي، المذاع عبر شاشة ‏‏«‏ON E‏»، وكشفت عن أسرار بحياتها الشخصية.

وقالت الفنانة غادة عبد الرازق: «أنا معنديش استقرار نفسي، أنا ست بتعامل مريضة من 35 سنة، مينفعش حد يقولي ‏استقرارك النفسي؛ لأني معنديش لا استقرار نفسي ولا عاطفي ولا أي استقرار». ‏

وتابعت: «إحنا أول ما ‏بنمثل بتكون رغبتنا النجاح والشهرة والماديات، كل دول بتوصلهم عن طريق واحد، الطريق ده ‏أخذ مني حاجات ثانية كثيرة أوي قصادها، بشوفها في ناس ثانيين بحسدهم عليها، بحسدهم طبعا ‏على الاستقرار والبيت والزوج والأطفال، كل حاجة». ‏

وواصلت: «أنا لما بتكسر محبش حد يشمت فيَ، أنا عموما ست بيتونية جدًا مختفية ‏طول الوقت، لكن في لحظة الانكسار بختفي أكثر». ‏

وأكملت: «بتكسر من ‏حاجات كثير زي كل البني أدمين، فشل في الشغل يكسرني أعداء ممكن يحاربوني، حاجة تمس ‏بنتي أو أهلي، حاجة تشوه سمعتي، خيانة، أزمة مادية؛ كل حاجة ممكن تكسرني». ‏

واضافت: ‏‏«بتعرض لأزمات مادية زي باقي الناس لأني التزاماتي كبيرة آوي، ربنا بيدي كل بني آدم على قد ‏التزاماته، ولما بفشل في عملي بيأثر على التزاماتي».‏