دينا: ابني كره الفن لأنه شافني بتعب قد ايه في الرقص

حلت الفنانة والراقصة دينا، ضيفة فى برنامج الستات” الذي تقدمه الإعلامية سهير جودة و الاعلامية مفيدة شيحة عبر شاشة “النهار”، وكشفت عن تفاصيل علاقتها بنجلها.

وقالت الفنانة دينا : ” ابني أذنه موسيقية رائعة، لما برقص معاه ينفذ الخطوات في 3 ثوان، لكنه لا يحب العمل في الفن، وأنا السبب، لأنه شافني بتعب قد ايه في الرقص، فقال لي (لا لا أنا عايز اشتغل حاجة 5 أيام ويومين أجازة)”.

وتابعت دينا: ابني بقى شبهي غصب عنه لأنه عايش طول عمره معايا، وحب المطبخ عشان أنا بحب المطبخ، ولما قرر دراسة الطبخ كنت عايزاه يدرس إدارة أعمال (بيزنس) وبعدها ياخد كورسات طبخ، ورد علي قائلا: (هو حضرتك لما قولتي لأهلك عايزة ارقص وافقوا؟) قولت له (لا)، وقال لي (أنت نجحتي في إيه؟)، قولت له (الرقص)، قال لي (ممكن تسبيني أدرس طبخ).. سكت وقولت له (اتفضل).

ووجهت مفيدة شيحة لها سؤالاً عن سبب رفضها أن يستمتع ابنها علي بأموالها قائلة: “ومايبقاش بني آدم؟ يبقى تابع؟ لو أنتِ بتربي كدة يبقى (في الفسكونيا)، يطلع رجل ويعتمد على نفسه، بيل جيتس أعطى لابنه 100 ألف دولار فقط ليبدأ بهم حياته، وهو يمتلك ملايين، لازم يتعلموا يعمل حياته ومستقبله.

واضافت دينا : “كل بيوت مصر مربيينهم واحدة ست، مهما كان في رجل في البيت، فهو في عمله طوال النهار، يعود آخر الليل، مابيربيش، كل مصر مربياها ست”؟