أحمد حلمي: منى زكي هي سند حقيقي ليا.. وتمثل البلورة اللي أنا عايش فيها

حل الفنان أحمد حلمي ، ضيفاً فى برنامج «AB talks»، الذي يقدمه الإعلامي أنس بوخش، وكشف عن تفاصيل علاقته بزوجته الفنانة منى زكي.

وقال الفنان أحمد حلمي: «قصتي مع منى زكي هي قصة مجنونة بكل تفاصيلها، والناس لما بتغير في بعض مبيكملوش».

وتابع أحمد حلمي: «اكتشفت أنا ومنى إننا لما غيرنا في بعض حاجات كتير، التغيير طلع صحي لينا إحنا الاتنين وعلاقتنا، ومكنش في شيء مهم أوي، بالعكس كان شيء معطل جدا».

وواصل أحمد حلمي: «منى هي السبب في مراحل كتير ليا على المستوى الإنساني والمهني كمان، وفعلا وراء كل رجل عظيم امرأة أعظم منه، عندها كمية من الصدق في عالم مجامل.. فإزاى تكون شخص صادق مع نفسك ومع الآخرين ومش مجامل وتقول الحقيقة بشكل لطيف وده اللى اتعلمته منها».

واضاف أحمد حلمي: «منى زكي هي سند حقيقي ليا، وتمثل البلورة اللي أنا عايش فيها وبشوف نفسي من خلالها».