تخطي أسما شريف منير.. الفنان محمود حجازي يعلن عن ارتباطه رسمياً |صورة

كشف الفنان محمود حجازي، عن ارتباطه بشكل رسمي، وذلك بعد عامين من انفصاله عن الفنانة أسما شريف منير.

حيث قام الفنان محمود حجازي بنشر صورة عبر صفحته الرسمية بموقع التواصل الاجتماعي إنستجرام، يعلن فيها عن ارتباطه رسميا، وكتب عليها قائلا: ” بحبك”.

ويذكر أن كان قد حرص الفنان شريف منير على دعم ابنته خبيرة التجميل أسما شريف منير، بعد حلق شعرها، وذلك خلال مقطع فيديو نشره عبر صفحته الرسمية بموقع التواصل الاجتماعي إنستجرام.

وقال شريف منير: “مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها”.

وتابع شريف منير: بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.

وواصل شريف منير:” قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا.

واضاف شريف منير: بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟”.

واختتم شريف منير حديثه: ” على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم”.