مفيدة شيحة: أقسم بالله كنت بفكر أعمل زي أسما شريف منير.. بس شيلت هم ردود الأفعال

حرصت الإعلامية مفيدة شيحة على دعم الفنانة أسما شريف منير بعد حلق شعرها وظهورها في مهرجان القاهرة للدراما.

حيث قالت مفيدة شيحة،خلال تقديمها برنامج “الستات” المذاع على قناة “النهار”:” لما أسما شريف منير طلعت وقالت هحلق شعري علشان مجهد وبايظ أقسم بالله كنت بفكر أعمل زيها و أحلق شعري بعد الصيف،و ولو هحلقه إيه اللي هيحصل يعني”.

وتابعت مفيدة شيحة: “بس شيلت هم ردود الأفعال اللي هتتوجهلي و هيفتكروني اتجننت، و يا أسما أنتِ شجعتيني وحفزتيني، وعايز أقول لها أنتِ قمر واحنا مع الحرية الشخصية ومش هي اللي ركبت التريند الناس اللي خلوها تركب التريند، احنا مش فاضيين أوي نفكر بحلق الشعر علشان نركب التريند”.

وأشارت مفيدة شيحة إلى أنها تعتبر ما حدث مع أسما شريف منير هو تنمر و ليس تريند، و موضحة أنها قامت بشيء لم يقدر على فعله أي شخص أخر.

كما علقت الإعلامية سهير جودة، قائلة: ” أحنا مش ينستوعب الاختلاف و لا بنعطي حرية للأشخاص، لكن بيكون في إسقاطات جوا الناس و نعتدي على الأخرين و ده مش من حقنا”، مؤكدة أن ليس لأحد حقا في اتهامها أو محاسبتها أو حتى التعليق على شكلها أو إطلالتها”.

واضافت سهير جودة: ” أن الردود مسيئة و غير إنسانية و هذا نتيجة أن السوشيال ميديا كاشفة للعدوان و العنف الذي بداخل الأفراد، و يُظهر الجُبن في عدم القدرة أو الحرية على القيام بهذا الفعل مثل أسما شريف منير، معلقة: “ياريت نحترم اختيارات الناس و ظروفهم و منتدخلش فيها”.