إبراهيم فايق عن سفاح الجيزة: كان بيشتغل زمان في سوبر ماركت قصاد بيتي ومكانش بيفوت فرض

تحدث الإعلامي إبراهيم فايق، عن وجود علاقة تجمعه بسفاح الجيزة ” القذافي”، عبر حسابه الشخصي على موقع التواصل الاجتماعي اكس.

وقال إبراهيم فايق: “‏اتفرجت على الحلقتين اللي نزلوا من مسلسل السفاح.. عجبني اختيار المخرج لأماكن التصوير.. مقبضة جدا والموود اللي عامله مدير التصوير رائع.. فهمي عامل الدور حلو اووي.. بارد وهادي ومؤدب وقاتل محترف”.

وتابع الإعلامي إبراهيم فايق: “نقول بقى المفاجأة سفاح الجيزة كان بيشتغل زمان في سوبر ماركت قصاد بيتي في شارع مستشفى الهرم تحت اسم قذافي وقعد سنين طويلة عايش معانا.. والغريب ان مكانش بيفوت فرض وبيتعامل معانا بمنتهى الأدب والود”.

واضاف إبراهيم فايق:” لما شوفت الصور ووقائع التحقيقات فضلت مصدوم فترة لأن مكنتش متخيل البني ادم ده يطلع منه كده.. كان كبيره يقطع جبنة رومي.. حتة لانشون انما قتل البشر بالشكل ده شيء كان كابوس بالنسبة لي.. شوف كام واحد قريب منك لابس القناع وبتكتشف عنه كوارث ؟!”.