انتصار: يعني إيه أنزل السوبر ماركت أجيب حاجة الشهر ألاقيها أغلى من اللي عاملة حسابي عليه؟

تحدثت الفنانة انتصار، عن ارتفاع الأسعار خلال الفترة الماضية في الأسواق بشكل كبير، وذلك خلال تقديم برنامجها من غير نفسنة المذاع عبر قناة هي.

حيث قالت الفنانة انتصار: “عليا أقساط وحصل غلاء والدنيا اتلغبطت شوية، يعني إيه أنزل السوبر ماركت وعاملة حسابي أجيب حاجات الشهر، وألاقي الأسعار أغلى من اللي عاملة حسابي عليها”.

وتابعت الفنانة انتصار: “متفتكروش يا جماعة أن الحاجات اللي عليها عروض دي لله، لأ دي بتكون هتخسر وتبوظ بعد 3 أو 6 شهور، وعلشان كده بيقولوا العلبتين بسعر واحدة وخد التالتة، والناس بتجري في رمضان والعيد وتجيب الحاجة وتخزن “.

وحرصت الفنانة انتصار على توجيه نصيحة للسيدات في ظل غلاء الأسعار، قائلة: : “الست لازم تكون مدبرة، يعني زمان كان يبقى عندي هدوم وأنزل أجيب بلوزتين كده، دلوقتي مبشتريش، ده في حاجات جديدة متلبستش في الدولاب أو اتلبست مرة، ليه أنزل كل صيف أجيب حاجات جديدة؟”.

واضافت انتصار: ” بره مصر مفيش عندهم فاجعة الشراء زي هنا، لازم ننسى كلمة براند، ونعمل إعادة تدوير للحاجات اللي عندنا في البيت، والجو بتاع الاستهلاك بتاع زمان مبقاش موجود”.