حورية فرغلي: كان نفسي أوي أجيب بنت دا كان حلمي طول عمري.. والحلم دا اتاخد مني الأسبوع اللي فات

حلت الفنانة حورية فرغلي، ضيفة في برنامج ET بالعربي، وكشفت عن تفاصيل تجربتها مع عملية استئصال الرحم التي أجرتها خلال الفترة الماضية.

وقالت حورية فرغلي: أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه.

وتابعت حورية فرغلي: العملية كانت صعبة بالنسبة للدكتور وهو قالي كدا بعد ما خلص، أنا حاسة بنفسي أحسن بكتير، عندي طاقة ومش تعبانة وباكل كويس وفعلا كان مأثر عليا.

وواصلت حورية فرغلي: وأنا عندي 30 سنة عملت عملية زي دي وكان عندي 7 أورام والدكتور قالي قدامك 10 سنين تحاولي تتجوزي فيهم وبالمساعدة هتحملي وأنا بولدك هشيل الرحم قولتله أوكيه ومتجوزتش ومحصلش ارتباط وشيلت الرحم خلاص.

كما كشفت الفنانة حورية فرغلي عن أمنيتها في إنجاب طفلة، قائلة : كان نفسي أوي أجيب بنت، دا كان حلمي طول عمري، والحلم دا اتاخد مني الأسبوع اللي فات، ولسه مش عارفة ايه اللي ممكن يعوض الاحساس دا والحاجة الوحيدة اللي كانت هتفرحني في الدنيا هي أني كنت أخلف ودا مش هيحصل.