تصريحات ريم طارق زوجة حسن شاكوش مع بسمة وهبة

حلت ريم طارق طليقة مؤدي المهرجانات حسن شاكوش، ضيفة علي برنامج برنامج “90 دقيقة” من تقديم الإعلامية بسمة وهبة، الذي يعرض على قناة “المحور”، وقد ادلت ببعض التصريحات عن أزمة خلافها مع حسن شاكوش

اتحملت اللي محدش يتحمله، من البداية ومن رابع يوم في الزواج بشوف كل يوم قصة وموضوع.
كان عارف إني مُطلقة، تزوجت شرعيا وانفصلت شرعيا وكان هناك قضية بيني وبين طليقي فكيف لا يعلم.
كنت مهددة بعدم القدرة على الرجوع للبيت إن خرجت منه، خلافات زوجية لكنها ليست مثل الخلافات التي تحدث بين أي شخصين متزوجين.
سأل عليّ منذ 3 سنوات وقالوا لي إني بتجوز وبحضر لفرحي، ولما حصلت مشاكل بعد كده وانفصلت اتقدم لي.
لم أكن على علاقة به ولم أتعرف عليه من خلال السوشيال ميديا ولم أغشه، لكنه كان جاي عن طريق أهله وأهلي مش عن طريقي.
حسن شاكوش طيب وابن حلال وجدع وشهم لذلك وافقت على الزواج منه، لكن الصورة حاجة والحقيقة حاجة تانية، حسن في البيت كان حاجة تانية خالص.
شفت أبشع حاجات ممكن تتخيليها، شفت معاه كل حاجة وحشة محدش يقدر يتخيلها بعيدا عن الخيانة.
الموضوع أكبر من الخيانة، بس إنسانيا ودينيا وأخلاقيا مش هقول، نفسي أقول للناس كلها بس مش هقدر أشيل الذنب ده، والموضوع كبير ومش هقدر أحكيه.
كل المشاكل اللي تخطر او متخطرش على البال موجودة في حسن، كل الصفات اللي مش حلوة في حسن شاكوش.
أهله كانوا يعلمون بأني منفصلة، لذلك فلم يكونوا راضين عن إتمام هذه الزيجة، رغم إنهم كانوا متعاطفين معايا وكنا على اتصال دائما، بعد كده بقوا يهاجموني، وفي ناس عملت حسابات fake وشتمتهم وشتمت شاكوش ورجل أعماله.
أم حسن شاكوش حقانية جدا، لكني اكتشفت إن حد سخنها، وللأسف حسن شاكوش مكنش قاعد في البيت، لما خلصنا حلقة شيخ الحارة مشفتهوش إلا بعدها بـ3 أيام.
حصلت حاجة واجهته بها وقال لي هي دي عيشته وهي دي حياتي، قلت له مفيش بني آدم عنده العيشة دي، وأنا آسفة مش هقدر أكمل.
الموضوع مش خيانة، لكن دي حاجة بتتعمل وأنا مجبرة وأشوفه وهو بيعملها، مكنتش هقدر ومش هجازف بنفسي.
لما قلت له لازم ننفصل وهمشي، قالي ممكن نتكلم، لكني قلت له مضطرة أمشي وهبعت أهلي لو احتجت حاجة هيجبوها لي، ومأخدتش أي حاجة إلا ترنج،
لما حاولت أرجع تاني يوم عشان ألم لبسي قال للأمن في الكومباوند محدش يدخلني رغم إن كل حاجتي الشخصية جوه عنده.