“انت لاعبتك هي اللي تعبانة”.. أول تعليق من رجب بحه وأسرته علي إدعاءات مرتضى منصور

أعرب رجب بحه وأسرته، عن غضبهم واستيائهم من اتهامات المستشار مرتضى منصور بشأن قيامه بعمل سحر لنادي الزمالك.

فقد خرج رجب بحه وأسرته في بث مباشر عبر موقع التواصل الاجتماعي فيس بوك، وذلك لنفي إدعاءات المستشار مرتضى منصور، رئيس نادي الزمالك المعزول.

حيث قال رجب بحه:” أنا راجل أمي وحافظ القرآن ، و لا استطيع عمل هذه الأعمال لأنها شرك بالله ، أنا راجل عامل بناء وعايش على قدي وعندي أسرة وأولاد على وش جواز حرام أتشوه كده ، تعالى شوف أنا عايش إزاي والمستوى اللى أنا فيه “.

وتابع أحد أقارب رجب بحه: “ديه اتهامات باطلة مين اللى اداك الحق تتكلم على ولاد ناس ، مافيش راجل دولة يقول الكلام ده ، الراجل ده مالوش علاقة بأهلي وزمالك ، هو يعني رجب اللى خلي لاعبتك تقلش إمبارح أنت لاعبتك اللي تعبانة”.

واضاف أحد أقاربه: ” ده راجل طيب ومالوش علاقة بالكرة وفي حاله وهو الإمام اللي بيصلي بينا”.