حنان شوقي: ياريت أبقى في قصة حب .. أحميه زي ابني وألبسه وألمع له حذاءه

حلت الفنانة حنان شوقي، ضيفة في برنامج «قعدة ستات» الذي تقدمه الإعلامية مروة صبري عبر قناة «القاهرة اليوم»، وكشفت عن تفاصيل بحياتها الشخصية.

قالت حنان شوقي: «الحكاية بين الراجل والست حرب، ودي بعيدة كل البعد عن الحب الحقيقي، وياريت أبقى في قصة حب، أحميه زي ابني، وألبسه وأحطله برفان وأقص له أظافره، وألمع له حذاءه وألبسه الشراب، وهو يعملي كده”.

وتابعت حنان شوقي: ” الزوج ده بيبقى ابني وصديقي وأخويا وأبويا وأمي وصاحبي وكل حاجة في حياتي، فأنا بفصل في تعاملاتي، ولما بحب بعمل كده”.

كما تحدثت حنان شوقي علي علاقتها بوالدها، قائلة :«بابا كان صاحبي من وأنا صغير، أنا بالذات عن إخواتي كان صاحبي جدًا، ولو حصل موقف حصل وحد عاكسني في الشارع وسألني عملتي إيه أقوله مردتش، يقولي شاطرة لأنك مش عايزة تردي” .

واضافت حنان شوقي: «خدت منه حنيته ورجوليته وجدعنته، وهو اللي زرع جوايا الصدق وإني أقول الحقيقة، وزرع فيا المسئولية وإزاي أتعامل، ولما أبويا انتقل لـ رحمة الله كنت صغيرة أوي وكنت محتاجة ليه، وربنا صبرني وصمدت صمود الجبال، ومكنتش مصدقة إنه انتقل إلى رحمة الله».