كامل الوزير عن جزار المونوريل : دفع غرامة لأننا مش عاوزين السلوك ده يتكرر تاني

تحدث الفريق كامل الوزير، وزير النقل، عن واقعة جزار المونوريل، التي وقعت خلال أيام عيد الأضحى المبارك، وتسببت في إثارة الكثير من الجدل علي مواقع التواصل الاجتماعي.
قال وزير النقل خلال مداخلة هاتفية مع برنامج “على مسئوليتي”، الذي يقدمه الإعلامي أحمد موسي، المذاع عبر قناة “صدى البلد”: “اللي حصل من الجزار قلة خبرة.. هو جزار بسيط وكان مبسوط بوجود عمود المونوريل قدامه، هو مخرمش العمود الكلام دا محصلش، الفاتحة اللي ركب عليها الأكمون بتاعه كانت عبارة نقطة مساحية”.
واضاف وزير النقل: ” تم توقيع غرامة عشان الفعل وعشان ميبقاش عرف بين الناس أنها تعمل كدا، عمود المونوريل مش مخصص لعمل كدا، وهدفنا مش الانتقام منه ولا نعذب الناس احنا مش عايزين السلوك دا يتكرر تانى”.