مرتضى منصور: أنا أنقذت الزمالك من الانهيار.. ده مكنش فيه كلور لحمام السباحة ولا مسمار نصلح به الشماسي

كشف المستشار مرتضى منصور ، رئيس نادي الزمالك، عن تعرض النادي الانهيار خلال فتره عزله من الرئاسة، مؤكداً أنه انقذ النادي من الانهيار.

قال المستشار مرتضى منصور: ” فيه ناس كبيرة بالدولة كلمتني وقالتي النادي بينهار والناس مش بتاخد فلوسها”.

وتابع مرتضى منصور:” عودتي أنقذت النادي من الانهيار.. ده مكنش فيه كلور لحمام السباحة ولا مسمار نصلح به الشماسي”.

كما هاجم المستشار مرتضى منصور، رئيس نادي الزمالك، محمود الخطيب رئيس النادي الأهلي، مشيراً إلى أن حصل علي 28 مليون جنيه من وزير سعودي، ولم يتم فتح التحقيق معه.

وقال المستشار مرتضى منصور: “اللي رافعين قضايا ليس لهم أي صفة لعزلي من رئاسة نادي الزمالك، ولا هم مرشحون على مقعد رئيس نادي الزمالك”.

وتابع مرتضى منصور: “عندي مستندات يا معالي الوزير اسمعها وشوفها بنفسك، كل اللي أنا عايزه القانون يتطبق عليا صح وعلى محمود الخطيب صح، لكن لما يكون في قضية واحد واخد 28 مليون من وزير سعودي، والوزير عامل بلاغ فيه بيقول خد مني الفلوس عشان يعمل منشآت وأخدهم لنفسه، وكل الأجهزة الرقابية قالت وأكدت إن الكلام ده حصل وبرضه البلاغ اتحفظ”.

وواصل مرتضى منصور: “أتحدى صندوق تحيا مصر يطلع خطاب اللجنة أو المحضر اللي يثبت أنه استلم الفلوس والساعات من الأهلي”.

وأضاف: “لم يحدث أن سلم الأهلي الفلوس والساعات وعلى مسئوليتي، المحضر دا منه 3 نسخ نسخة في الأهلي ونسخة عند الصندوق ونسخة في وزارة العدل انا عايز أي حد يطلعلي النسخ دي”.